2026 жылдың алғашқы алты айында елде 92 300 неке рәсімделген.
Фото: Өзбекстанның ұлттық статистика комитеті
ERNUR.KZ. Өзбекстан соңғы 35 жылда тіркелген некелер саны туралы деректерді жариялады, оған сәйкес некеге тұру көрсеткіші 2021 жылдан бері қысқарып келеді, деп жазады inform.kz.
2026 жылдың алғашқы алты айында елде 92 300 неке рәсімделген.
Отбасын құрудың рекорды 2018 жылға тиесілі болып отыр, сол жылы Өзбекстанда 311,4 мың отбасы тіркелген болатын. Ал ең төменгі көрсеткіш 168,9 мың неке 2000 жылы рәсімделген.
Бұған дейін Отбасы және гендерлік ғылыми-зерттеу институты Өзбекстандағы неке санының азаюының негізгі факторларын анықтайтын зерттеу жүргізген болатын. Оларға демографиялық өзгерістер, әйелдердің білім алуға және мансап құруға деген ұмтылысы, экономикалық қиындықтар, ажырасу деңгейінің артуы, еңбек миграциясы және жастардың өмір салтының өзгеруі жатады.
Бұған дейін Өзбекстанда халық саны бір жылда 700 мың адамға өскені хабарланған болатын.
