Филиппин Тынық мұхитының «отты белдеуінде» орналасқан, бұл — әлемдегі сейсмикалық тұрғыда ең белсенді аймақтардың бірі.
Фото: Анадолы
ERNUR.KZ. Филиппиннің солтүстігіндегі Илокос-Норте провинциясында 5,8 магнитудалы жер сілкінісі тіркелді, деп жазады inform.kz.
Филиппиннің Вулканология және сейсмология институтының хабарлауынша, жерасты дүмпулері жергілікті уақытпен шамамен 10:30–да болған.
Эпицентрі Пасукин муниципалитетінен солтүстік-батысқа қарай 29 шақырым қашықтықта орналасқан. Жер сілкінісінің ошағы 27 шақырым тереңдікте.
Қаза тапқандар немесе зардап шеккендер туралы әзірге ақпарат жоқ.
Жер сілкінісі көршілес Кагаян, Илоко-Сур, Исабела және Абра провинцияларында да сезілген.
Жерасты дүмпулерінен кейін цунами туралы ескерту жарияланған жоқ.
Филиппин Тынық мұхитының «отты белдеуінде» орналасқан, бұл — әлемдегі сейсмикалық тұрғыда ең белсенді аймақтардың бірі. Сондықтан мұнда мұндай табиғи құбылыстар жиі болып тұрады.
![Райымның бұрынғы сүйіктісі](/assets/thumbnails/c1/c1870395aaf368eb5d62cc050997787c.jpeg "Райымның бұрынғы сүйіктісі "сырғалым" атанып, ұзатылды")
![](/assets/thumbnails/bf/bf40543da0de5277d9bd2586db810aee.jpg ""Күйеуге қалай тигенімді білмеймін" - астаналық келіншек күйеуіне күмәні барын жасырмады")
