АҚШ Ауғанстан азаматтарына виза беруді тоқтатты

ERNUR.KZ. АҚШ Мемлекеттік департаменті Ауғанстан азаматтарына виза беруді тоқтататынын мәлімдеді, деп жазады inbusiness.kz.

"Мемлекеттік департамент АҚШ-тың ұлттық және қоғамдық қауіпсіздігін қорғау үшін барлық қажетті шараларды қабылдауда", – делінген хабарламада.

Бұл туралы АҚШ мемлекеттік хатшысы Марко Рубио Х әлеуметтік желісінде хабарлады.

Бұл шешім Ақ үй маңында орын алған шабуылдан кейін қабылданды. Шабуыл салдарынан Ұлттық гвардияның екі әскери қызметкері оқ жарақатын алып, кейін бірі көз жұмды. Федералдық тергеу бюросының (ФБР) директоры Кэш Патель баспасөз конференциясында шабуылды бір адамның жасағанын және оның қамауға алынғанын мәлімдеді.

Ал АҚШ Қорғаныс министрі Пит Хегсет шабуылдан кейін ел астанасындағы Ұлттық гвардияның саны көбейтілетінін айтты. Оның сөзінше, АҚШ президенті Дональд Трамптың бұйрығымен Вашингтонға қосымша 500 әскери қызметкер жіберіледі.