Балаева министрліктің тарапынан журналистердің кәсіби біліктілігін арттыру бойынша семинар-тренингтер, оқыту курстарын өткізу жоспарланып отырғанын да айтты.
ERNUR.KZ. Бұл туралы ҚР Мәдениет және ақпарат министрі Аида Балаева министрліктің алқа отырысында айтты, деп жазады baq.kz.
Еліміздің отыз журналистика факультетінің оқу бағдарламасын түбегейлі жаңарту керек деп есептейміз. Сондай-ақ халықтың медиасауаттылығын арттыруға, баспасөз хатшыларының, өңірлік БАҚ өкілдерінің біліктілігін арттыруға бағытталған 2024 жылға арналған медиасауаттылықты дамыту жоспары әзірленіп, іске асып жатыр, - деді ол.
Балаева министрліктің тарапынан журналистердің кәсіби біліктілігін арттыру бойынша семинар-тренингтер, оқыту курстарын өткізу жоспарланып отырғанын да айтты.
Жоспар аясында еліміздің журналистері үшін қазақ және орыс тілдерінде қырыққа жуық оқыту іс-шаралары өткізіледі. Бұл ретте тоқсан сайын әр өңірде цифрлық медиа, фактчекинг, медиаэтика және басқа да өзекті бағыттар бойынша кемінде елу журналисті оқыту жоспарланып отыр, - деді министр.
Сондай-ақ Балаева телеарналарда балалар контенті, экологиялық мәдениет, қарапайым еңбек адамы, ұлттық дәстүр, тәрбие, мүмкіндігі шектеулі азаматтарға қолдау көрсету секілді өзекті тақырыптарға басымдық берілуі тиіс екенін жеткізді.
