Әйелдің қолындағы алтын жүзікті алу үшін сол қолының екі саусағын кесіп тастаған.
ERNUR.KZ. Қостанайда 21 қарашада сот кәмелет жасқа толмаған Сергей Васюренко мен Әлішер Әбуевке үкім шығарды, деп жазады zakon.kz.
"Наша газета" басылымының жазуынша, айыпталушылар үш бап бойынша айыпталған, оның ішінде ең сорақысы зейнеткерді өлтіргені болды.
2023 жылдың 23 ақпанында кешке балтамен қаруланған Васюренко мен Әбуев зейнеткер Людмила Гришинаны тонамақ болып келіскен.
Олар алдын-ала жоспар құрып алған, сол жоспар бойынша Әбуев зейнеткердің үйіне қоршаудан секіріп кірген, ал Васюренко қақпаны қағып, зейнеткерді сөзге тартқан. Ол сөйлесіп болған соң кетіп бара жатқандай кейіп танытқан. Әбуев балтамен зейнеткердің маңдайынан бір ұрған, одан кейін тағы үш рет соққы жасаған, егде кісі сол жерде тіл тартпай кеткен. Үйден телефон мен 40 000 теңгеге жуық ақшаны ұрлап шыққан сотталушылар кетерінде үйге от қойған.
Сотталушылардың кінәсі толық дәлелденді. Олар 11 жылға бас бостандығынан айырылды, жазасын кәмелетке толмағандарға арналған орташа режимдегі колонияда өтейді.
