Тоқаев атом электр станциясын салу немесе салудан бас тарту мәселесін жалпыұлттық референдумға шығаруды тапсырған еді.
ERNUR.KZ. Қазақстанда АЭС салатын компания биыл жыл соңына дейін белгілі болады, деді "Қазақстандық атом электр станциялары" компаниясының бас директоры Тимур Жантикин, деп жазады sputnik.kz.
Бұл туралы Жантикин "Самұрық - Қазына" қорының арнасында атом энергетикасын дамытуды талқылау барысында айтты.
Қазір бірқатар кеңес жүріп жатыр. Бас директор қаржыландырудың мүмкін схемаларын қарастыру керек екенін атап өтті.
"Қаржыландыру жүйесінің шалалығынан көптеген ірі жобалар іске асырылмай сәтсіздікке ұшырады, сондықтан бұл маңызды фактор", - деді Жантикин.
Тағы бір маңызды мәселе - технологияларды тарту.
"Мысалы, бізде жанармай зауыты бар және жанармай (атом электр станциялары үшін) бізде болғанын қалаймыз. Сондықтан бұл мәселені де пысықтап жатырмыз", - деді ол.
1 қыркүйекте президент Қасым-Жомарт Тоқаев атом электр станциясын салу немесе салудан бас тарту мәселесін жалпыұлттық референдумға шығаруды тапсырды. Оның нақты күні әлі анықталған жоқ.
