Қасым-Жомарт Кемелұлы Твиттерде және Инстаграмда тіркелген.
Facebook әлеуметтік желісінде Президент Қасым-Жомарт Тоқаевтың жалған парақшасы пайда болды, деп хабарлайды ERNUR.KZ.
Бұл туралы президенттің баспасөз хатшысы Берік Уәли өзінің Facebook-тегі парақшасында жазды. Ол мұндай фейктерге сенудің қажеті жоқ екенін айтады.
"Президент Қасым-Жомарт Тоқаевтың атынан ашылған жалған аккаунттар мен парақшалар бұған дейін де көп болған. Бола беретін де шығар. Әлеуметтік желілерде ашылып жатқан мұндай фейктерге сенудің қажеті жоқ. Өзіңіз айтып отырғандай, Қасым-Жомарт Кемелұлы Твиттерде және Инстаграмда тіркелген. Ал Фейсбукта Мемлекет басшысының атынан тіркелген барлық аккаунттар мен парақшаларға сенбеуге шақырамын", - деп жазды Берік Уәли.
