Енді Назарбаевтың орнына сол үстелде армия генералы, Кеңес Одағының Батыры және Қазақстанның Халық батыры Сағадат Нұрмағамбетовтің балауыздан жасалған ескерткіші тұр.
ERNUR.KZ. Астанадағы Қазақстан Қарулы Күштерінің мемлекеттік әскери-тарихи мұражайының экспозициясынан алты жыл бұрын орнатылған экс-президент Нұрсұлтан Назарбаевтың балауыз пішіні жоғалып кетті, деп жазады tengrinews.kz.
Бұған дейін Тұңғыш Президенттің балауыз пішіні мұражай залдарының бірінде үстел үстінде болған.
Енді Назарбаевтың орнына сол үстелде армия генералы, кеңес және қазақстандық әскери көсем, Қазақстанның бірінші қорғаныс министрі, Кеңес Одағының Батыры және Қазақстанның Халық батыры Сағадат Нұрмағамбетовтің балауыздан жасалған ескерткіші тұр.
Музейдегілер экс-президенттің фигурасы экспозициядан алып тасталғанын, енді ол олардың қорында екенін айтқан. Ресми түсініктеме алу үшін Қорғаныс министрлігіне жүгінуді сұраған.
Назарбаевтың балауыздан жасалған фигурасы музейде 2018 жылы пайда болған. Жұмыстың авторы-гиперреалист суретші Айдос Есмағамбетов.
