Ол 36 жастағы әйелді және 6 мен 1,5 жасар баланы басып кетті. Үшеуі де оқиға орнында көз жұмды
ERNUR.KZ. Талдықорған іргесіндегі Қарабұлақ ауылында екі баласы бар әйелді "Ауди-80" көлігі қағып өлтірді, деп жазады Stan.kz.
Оқиға орнынан түсірілген видео әлеуметтік желілерде тарап жатыр, онда оқиға 23 сәуірде болғаны көрсетілген. Облыстық полиция департаменті бұл фактіні растады.
Ведомствоның мәліметінше, "Ауди-80" көлігін 19 жастағы азамат басқарған. Қаза тапқан 36 жастағы әйелдің жанында 6 және 1,5 жастағы екі қызы болған.
"Оқиға дерегі бойынша қажетті сараптамалар тағайындалып, қылмыстық іс қозғалды. Жүргізуші ұсталып, қамауға алынды. Көлік тәркіленіп, арнайы тұраққа орналастырылды", - деп мәлімдеді облыстық полицияның баспасөз қызметі.
Алматы облысының полиция департаменті ауыр қазаға байланысты қаза болғандардың туыстары мен жақындарына көңіл айтты.
