Қазақстан құрамасы 8 наурыз күні Өзбекстан, 9 наурыз күні Таиланд құрамасымен шеберлік байқасады.
ERNUR.KZ. Филиппин елінің Нью-Кларк-Сити қаласында өтіп жатқан су спорты түрлерінен әр түрлі жас санатындағы XI Азия чемпионатында су добынан сынға түскен Қазақстан қыздар құрамасы Қытай құрамасынан 9:14 есебімен жеңілді, деп жазады inform.kz.
Бұл сында біздің команда сапынан Алина Озкая, Яна Мартынова, Ариадна Затыльникова, Яна Смолина, Дарина Сембек, Юлия Дружинина мергендігімен көзге түсті.
Енді Қазақстан құрамасы 8 наурыз күні Өзбекстан, 9 наурыз күні Таиланд құрамасымен шеберлік байқасады.
Айта кетейік, аталған Сарықұрлық додасына 45 мемлекеттен 12-18 жас аралығындағы жас спортшылар мен ересектер қатысып жатыр.
26 ақпан күні басталған Азия чемпионаты 9 наурыз күні мәресіне жетеді.
