Сот шешімі бойынша, 187 миллион теңгеге тең 408 мың USDt көлеміндегі криптовалюта мемлекет пайдасына тәркіленді.
ERNUR.KZ. Астанадағы Eolus қаржы пирамидасының құрылымдық бөлімшесін ұйымдастырушы ұзақ мерзімге бас бостандығынан айырылды, деп жазады tengrinews.kz.
"Оның 2023 жылы АҚШ-та орналасқан жаңартылатын энергия көздеріне инвестиция салу желеуімен жеке тұлғалардан ақша тарту мақсатында кеңсе жалдап, ENERGY EOLUS QAZAQSTAN ЖШС-ны тіркегені анықталды.
Инвесторлардың қаражаты криптовалюта түрінде тартылды және есепке алу мен қайта бөлу үшін шетелдік хакерлер жасаған energyeolus.info платформасында көрсетілді", - делінген хабарламада.
Астанада ақшасын салған 535 адам тартылды.
"Сот шешімі бойынша, 187 миллион теңгеге тең 408 мың USDt көлеміндегі криптовалюта мемлекет пайдасына тәркіленді. Сот үкімі бойынша, ұйымдастырушы кінәлі деп танылып, оған мүлкі тәркіленіп, 6 жыл мерзімге бас бостандығынан айыру, 5 жыл мерзімге азаматтардың қаражаты мен инвестицияларын тартуға байланысты қызметпен айналысу құқығынан айыру жазасы тағайындалды".Қаржы пирамидасын құру қылмыстық жауапкершілікке тартылатынын және мүлкі тәркіленіп, 10 жылға дейін бас бостандығынан айырумен жазаланатынын ескертеміз.
