6 жасар бала бапкерімен бірге спорттық жарысқа Атыраудан келген екен.
ERNUR.KZ. Оқыс оқиға Алматыда "Қуат" тұрғын үй кешенінде болған. Спорттық жарысқа келген алты жасар бала ойнап жүрген жерінен төменге құлап кеткен, деп жазады baq.kz.
Оқыс оқиға 30 қыркүйекте болған. Бұл туралы әлеуметтік желіде тараған видеода айтылды.
Алматы қаласы полиция департаменті 2017 жылғы баланың өліміне қатысты Бостандық ауданы Полиция басқармасында ҚР ҚК 140-бабы 2-бөлігі бойынша қылмыстық іс тіркелгенін және тергеліп жатқанын хабарлады. Аталған оқиғаның мән-жайы анықталып жатыр, - деді қалалық ПД баспасөз қызметі.
Белгілі болғандай, 6 жасар бала бапкерімен бірге спорттық жарысқа Атыраудан келген екен. Қайғылы оқиға болған күні балалар дүкенге сұранған, оның арасында 6 жасар бала да болған.
