Лицензия Катарда өткен су спортынан әлем чемпионатының қорытындысы бойынша берілген.
Қазақстандық Ясмин Тұяқова мен Арина Пушкина Парижде өтетін Олимпиадаға көркем жүзу спорт түрі бойынша лицензияны жеңіп алды, деп жазады Stan.kz.
Бұл туралы ҚР Туризм және спорт министрлігінің баспасөз қызметі мәлімдеді.
“Құрамында Ясмин Тұяқова мен Арина Пушкина бар отандық жұп 2023 жылғы Азия ойындарындағы өнер көрсету нәтижесі бойынша Париждегі Олимпиадаға жолдама алды, қазақ қыздары қола жүлдегер атанды”, – делінген жексенбіде тараған ақпаратта.
Лицензия Катарда өткен су спортынан әлем чемпионатының қорытындысы бойынша берілген, онда көркем жүзу өкілдері арасында Парижде өтетін Олимпиада ойындарына лицензия иегерлері анықталды.
“Командалық жарыстардың қорытындысы бойынша 2024 жылғы Олимпиадаға квота АҚШ, Испания, Жапония, Италия және Канада құрамаларына берілді. Бұл нәтиже аталған командаларға дуэт сайысында бақ сынауға мүмкіндік береді”, –деп қосты жауапты министрлік.
