Науқастардан алынған 20 үлгінің 7-уінен (35,0%) Үнді («дельта») штаммы анықталған.
иллюстрациялық сурет: ашық дереккөзден
Шымкентте жеті адамнан «дельта» штаммы анықталды, деп хабарлайды ERNUR.KZ.
Бұл туралы Шымкент қаласы санитариялық-эпидемиялогиялық бақылау департаменті басшысының орынбасары Айгүл Тұрымбетова мәлімдеді.
"Коронавирустың мутацияланған түрі Шымкенттің ауырған 7 адамнан анықталды. Сол ковид, бірақ түрі өзгерген, тез таралатын, жұқпалылығы жоғары", деді Айгүл Тұрымбетова.
Вирустың мутациясының түрін зерттеуге науқастан алынған 20 үлгінің 7-уінен (35,0%) Үнді («дельта») штаммы анықталған.
Шымкент қаласында өткен екі апта ішінде коронавирустық инфекцияның 908 жағдайы тіркелген. Оның ішінде симптомды 637, симптомсызы 271. Соның 148-і 18 жасқа дейінгі балалар екен. Пневмонияның 104 жағдайы тіркелген.
