172 500 теңге көлемінде әкімшілік айыппұл салынды.
ERNUR.KZ. Шымкентте 100-ге жуық заңсыз ауланған құсты сатумен айналысқан екі ер адам ұсталды.
Заң бұзушыларды табиғатты қорғау тобының инспекторлары жабық базарда сауда жасап тұрған жерінде ұстады.
Түркістаннан келген екі ер адам сатуға шығарған «тауарларын» арнайы торға қамап, өздеріне тиесілі көліктердің жүк салғышына жасырған. Олардың әрқайсысын 1000 теңгеге бағалаған.
Айта кетейік, 9-11 желтоқсан аралығында жүргізілген рейд жұмыстары барысында заңсыз аңшылықпен айналысқан тағы 6 тұлға анықталып , азаматтық қару айналымының қағидаларын бұзғаны үшін 172 500 теңге көлемінде әкімшілік айыппұл салынды.
