Өңірлер бойынша ең көп өнім көлемі Алматыда тіркелді: 13,7 млрд теңге, плюс бір жылда 14%.
ERNUR.KZ. Қазақстан жиһаз импортына өте тәуелді. Дегенмен биылғы қаңтар-тамыз айларының қорытындысы бойынша Қазақстанда жиһаз өндірісі 51,7 млрд теңге болды, деп жазады zakon.kz.
Бұл бір жыл бұрынғыдан құндық мәнде 25,2% көп (ЖТҚ – 128,8%).
Өңірлер бойынша ең көп өнім көлемі Алматыда тіркелді: 13,7 млрд теңге, плюс бір жылда 14%. Екінші және үшінші қатарда Қарағанды (4,9 млрд теңге, плюс 57,9%) және Алматы (4,7 млрд теңге, плюс 58%) облыстары тұр.
"Бірінші жартыжылдықтың қорытындысы бойынша жергілікті компаниялар металл орындықтар мен басқа да отыратын жиһаздарға деген сұранысты (ішкі нарықтағы сатуды және экспортты) 32,6% ақтаған. Бір жыл бұрын 51,6% болған еді. Ал ағаш орындықтарды 13,3%, басқа орындықтарды – 2,1% ғана қамтамасыз етті", - делінген Energyprom.kz хабарламасында.
Кеңсеге арналған ағаш жиһаз бойынша қорытынды жаман емес. Жарты жылда отандық өндірушілер сұраныстың 77,3%-ын қамтамасыз етті. Бөлшек сауда кәсіпорындары үшін жиһаз сегментінде бұл көрсеткіш 67,5%, ас үй жиһазы секторында 63%, матрац сегментінде 56,9% (бір жыл бұрын 61,1%) болды. Бірақ асхана мен қонақ бөлмеге арналған ағаш жиһазға сұраныстың 13,3%-ы ғана жабылған.
Жалпы алғанда ел жиһаз секторында өзін-өзі қамтамасыз етуге әлі дайын емес. Биыл тамыз айының соңында жиһаз және тұрмыстық заттар бағасы бір жылда 19,2% өсті. Өңірлер бойынша баға Шығыс Қазақстан (+33,1%), Ақмола (+31,1%), Қарағанды (+29,6%), Алматы (+26,6%) және Қостанай (+25,9%) облыстарының тұрғындарының әмиянына түсті. Ең аз жылдық баға өсімі Маңғыстау облысында тіркелді: 4,3%.
