Күдікті қазіргі уақытта Нұр-Сұлтан қаласының уақытша ұстау оқшаулағышына қамалды.
Бүгін Беларусьтен адам ұрлау күдігімен халықаралық іздеу жарияланған қазақстандық экстрадацияланды, деп хабарлайды ERNUR.KZ ҚР Бас прокуратурасы баспасөз қызметіне сілтеме жасап.
«Бүгін Бас прокуратураның және Қазақстан Республикасы ІІМ Интерполының қызметкерлері Белорусьтен Владимир Тургуновты экстрадациялады. Ол қару қолдану арқылы қарақшылық шабуыл жасау, адам ұрлау және 100 млн теңгеден астам сомаға бөтеннің мүлкін ұрлауды ұйымдастыру күдігіне іліккен. Қылмысты жасағаннан кейін күдікті қылмыстық қудалау органдарынан жасырынған. Осыған байланысты халықаралық іздеуге жарияланған», - делінген ведомство ақпаратында.
Бас прокуратура мәліметінше, қазіргі уақытта В. Тургунов Нұр-Сұлтан қаласының уақытша ұстау оқшаулағышына қамалды.
