Ыстамбұлдың бірнеше ауданында қауіпті жәндіктің ірі ошақтары пайда болды.
ERNUR.KZ. Түркияда бұрын ел территориясында болмаған азиялық жолбарыс масасы пайда болды, деп жазады tengrinews.kz.
Басылым мәліметінше, азиялық жолбарыс масасы жаңа мекенге оңай бейімделеді. Қазірдің өзінде Ыстамбұлдың бірнеше ауданында қауіпті жәндіктің ірі ошақтары пайда болды.
"Масаның бұл түрі күні бойы, әсіресе адам далада жүргенде шабуылдайды. Ол басқа масаларға қарағанда қатты агрессия көрсетеді", - деп түсіндірді Ыстамбұл университетінің доценті Керем Этера.
Ғалымның айтуынша, бұл маса түрлі ауруды, оның ішінде Зика вирусы мен сары безгекті тасымалдайды.
