Сегіз жергілікті тұрғыннан вирустың жаңа түрі анықталған.
ERNUR.KZ. Норвегияда SARS-CoV-2 коронавирусының жаңа мутациясы табылды. Бұл туралы Verdens Gang газетіне Тронхейм муниципалитетінің бас дәрігері Туве Ресстад хабарлады, деп жазады 24.kz.
16-18 қазан аралығында Тронхейм қаласында сегіз жергілікті тұрғыннан вирустың жаңа түрі анықталды.
«Алдын ала болжам бойынша, бұл – вирустың Денсаулық сақтау министрлігі Норвегияда бұрын кездестірмеген жаңа нұсқасы», - деді Ресстад.
Ол вирус мутациясының жаңа қасиеттері әлі белгісіз екенін айтып өтті. Алайда, оның айтуынша, Тронхеймде коронавирус тез жұғатын болған.
