Мектеп ғимаратын полиция қоршауға алды.
ERNUR.KZ. Сейсенбі күні Финляндия астанасы маңындағы мектепте атыс болып, бір бала қаза тапқан, екеуі ауыр жарақат алған, полицияның мәлімдеуінше, шабуыл жасады деген күдікпен сол балалардың 12 жастағы сыныптасы қамауға алынған, деп жазады inform.kz.
Мектеп ғимаратын полиция қоршауға алды. Тұтқындау бейбіт жағдайда, мектептен алыс Сильтамаки маңында орын алған. Жергілікті полиция жанында қаруы бар күдікті қамауда екенін айтқан.
Полицияның мәліметінше, қазіргі уақытта басқа күдіктілер жоқ. Олар күдіктінің немесе құрбан болғандардың кім екені туралы толық мәлімет бермеді. Күдікті алдын ала тергеу кезінде шабуыл жасағанын мойындаған. Ол әлеуметтік қызметке жіберіледі, себебі қамауға алуға әлі өте жас.
Полиция оқиға себебі белгісіз екенін айтқан. Олар қару күдіктінің туысына тиесілі екенін анықтаған. Оның жеке құралға тиісті рұқсаты болған.
Муниципалитеттің мәліметінше, атыс Хельсинки маңындағы Вантаа қаласындағы Виертола мектебінде болды, онда бірінші сыныптан тоғызыншы сыныпқа дейін 800-ге жуық оқушы оқиды және 90 адам жұмыс істейді.
Бұл Финляндияда орын алған жалғыз оқиға емес. 2007 жылы Пекка-Эрик Аувинен Хельсинки маңындағы Джокела орта мектебінде алты оқушыны, мектеп медбикесін, директорды және өзін тапаншамен атып өлтірген.
Бір жылдан кейін, 2008 жылы тағы бір студент Матти Саари Финляндияның солтүстік-батысында орналасқан Каухайоки қаласындағы кәсіптік училищеде адамдарға қарата оқ жаудырған. Ол өзіне оқ атқанша тоғыз студент пен бір ер қызметкерді өлтірген.
Аңшылық пен нысанаға ату бойынша танымал 5,6 миллион халқы бар елде 1,5 миллионнан астам лицензиялық атыс қаруы мен 430 мыңға жуық лицензия иегерлері бар.
