Ол облыстық балалар ауруханасының жансақтау бөліміне жеткізілді.
ERNUR.KZ. Беларусьтың Могилев қаласында 2 қыркүйек күні кешкісін тұрғын үйлердің бірінің жетінші қабатынан құлап кеткен бір жасар бала аман қалды, деп жазады ҚазАқпарат.
Тергеу комитетінің Могилев облысы бойынша басқармасының ресми өкілі Оксана Соленюктің мәлімдеуінше, 17:15 шамасында сәбиімен бірге серуендеп қайтқан әйел оны диванға жатқызып, өзі асүйге кетеді. Бала сол кезде терезеден құлап кеткен.
Оқыс жағдайға куә болған көрші әйел қолма-қол жедел жәрдем шақырады.
Бала бірнеше жерінен жарақат алғанына қарамастан, аман қалған. Ол облыстық балалар ауруханасының жансақтау бөліміне жеткізілді.
