Англиялықтар жарыс жолынан ПСЖ командасын шығарды.
ERNUR.KZ. Англиялық "Манчестер Сити" франциялық "Пари Сен-Жермен" клубын ұтып, Чемпиондар лигасының финалына шықты, деп жазады Vesti.kz.
1/2 финалдық қарымта матчі Манчестердегі "Этихад" стадионында өтіп, 2:0 есебімен алаң иелерінің пайдасына аяқталды. Бұл ойында Рияд Марез дубль жасады (11 және 63-ші минут).
68-ші минуттан бастап ПСЖ азшылықта ойнады, Анхель Ди Мария қызыл қағаз алып алаңнан қуылды.
Еске салайық, жартылай финалдық бірінші матч те 2:1 есебімен "Ман Сити" пайдасына аяқталған.
Чемпиондар лигасы финалындағы манчестерліктердің қарсыласы 6 мамырда белгілі болады. Бұл күні "Реал" - "Челси" ойнайды (Мадридтегі бірінші ойын - 1:1).
