Шымкентте емізулі аналарға короновирусқа қарсы вакцина салына бастады

0
600

Емханаға Pfizer вакцинасын салдыруға келген аналар алдымен жазбаша сауалнамаға жауап берді.


Шымкентте емізулі аналарға короновирусқа қарсы вакцина салына бастады

Бүгін Шымкент қаласында бала емізетін әйелдерге короновирусқа қарсы вакцина салына бастады, деп хабарлайды ERNUR.KZ.

№13 қалалық емханаға Pfizer вакцинасын салдыруға келген аналар алдымен жазбаша сауалнамаға жауап беріп, дәрігердің тексеруінен өтті. Қарсы көрсетілімі жоқ аналарға мамандар екпе салып берді.

Екпе салдырған аналардың бірі - Карина Раймқұлова. Бес айлық сәбиімен емханаға келген 25 жастағы анаға мамандар Pfizer вакцинаның алғашқы компонентін салдырды.
"Бүгін №13 қалалық емханаға вакцинацияға келдім. Бұл шешімді өз еркімен қабылдадым. Өйткені мен өзімді және баламды вирустан қорғағым келеді" - дейді жас ана.
Сондай-ақ емхана базасында бүгін жасөспірімдерге де вакцина салынды. Екпе салдыруға баласын алып келген атаналардың бірі - Байгутова Гүлнәра.
"Мен өзім медицина маманы болып жұмыс істеймін. Сондықтан ұлымды қауіпті инфекциядан қорғау үшін вакцина салодыруға әкелдім. Вакцина салдыру ұлым екеуміздің ортақ шешіміміз" - дейді Г. Байгутова.
Айта кетейік, екпені салу мерзімі бірінші дозаны алғаннан кейін 21-ден 28 күнге дейінгі аралықта екі рет жүргізіледі.
Әлемдік тәжірибеге сәйкес балаларды вакциналау әлемнің 30-дан астам елінде жүргізілуде, оның ішінде 15-тен астам елде балаларды вакциналау үшін Pfizer вакцинасы пайдаланылады.