Ол әзірше ағартушылық пен шығармашылыққа ден қоятынын мәлімдеген.
Шымкент қаласы әкімінің орынбасары Шыңғыс Мұқан қызметінен кетті, деп хабарлайды ERNUR.KZ.
Бұл туралы ол өзінің Facebook парақшасында жазды.
"Шымкент қаласы әкімдігінен жұмыстан шықтым. Әкімнің бірінші орынбасары лауазымына сонау ковид өршіп тұрған дағдарыс кезінде, 2020 жылғы шілде айында келіп едім. Екі жарым жылға жуық жұмыс істеппін. Одан бері небір қызық, небір қиыншылық өтті. Оның ішінде әрине Қаңтардың орыны ерек. Бұл шешім бір күнде туған жоқ. Біраздан бері пісіп жетілді.
Бірге қызметтес болған әріптестер мен ұжымға бек рақмет! Әзірше ағартушылық пен шығармашылыққа ден қоймақпын", - делінген жазбада.
