Білікті дәрігер медицина саласында 14 жылдан бері еңбек етіп келеді.
Шымкенттік дәрігер аналар денсаулығын нығайтуда еселі еңбек етіп келеді, деп хабарлайды ERNUR.KZ.
Аягөз Ахметова – жоғары санатты дәрігер. Тәжірибелі маман әрдайым өз біліктілігін арттырып келеді.
Аягөз Әлімбайқызы бүгінде Шымкент қалалық №2 ауруханасында (бұрынғы фосфор) гинекология бөлімінің меңгерушісі қызметін атқарады. Білікті дәрігер бір айдың өзінде жүктілік кезінде қауіпті ауруға шалдыққан 100-ден аса әйелді емдейді.
Мұнан бөлек, гинекологиялық патологиясы бар науқастарға күрделі ота жасап, емдеу шараларын жүргізеді. Осылайша білікті гинеколог аналардың денсаулығын нығайту, сол арқылы дені сау ұрпақты дүниеге келтіру жолында аянбай еңбек етіп келеді.
14 жылдан бері медицина саласында еңбек ететін дәрігер үнемі ізденіс жолында. Өз біліктілігін жетілдіруді басты міндеті санайды.
А. Ахметова еңбегі еленіп, бірнеше рет Құрмет грамоталарымен марапатталған.
