Шикі картоппен адам өлтірген павлодарлыққа сот үкімі шықты

0
246

Ішімдікті өзінен жасырып ішті деп болжаған ер адам бөтелкелесін ұйықтап жатқан жерінде соққыға жыққан.


Шикі картоппен адам өлтірген павлодарлыққа сот үкімі шықты

ERNUR.KZ. Павлодар облысының қылмыстық істер жөніндегі мамандандырылған ауданаралық сотында ауыл тұрғынының қылмыстық әрекетіне қатысты сот процесі аяқталды. Сотқа алқабилер қатысты, деп жазады sputnik.kz.

Айыптау қорытындысына сәйкес, Павлодар облысы Подстепка ауылының 43 жастағы тұрғыны 50 жастағы досы өзіне айтпай, ішімдік сатып алып ішкен деп болжаған. Соған ашуланған ол досы төсекте ұйықтап жатқанда ұрып-соққан. Оған қоса оның көмейіне шиі екі картоп тыққан. Механикалық асфиксиядан ер адам қайтыс болды.

Сотталушының кінәсі куәгерлердің сөзі және бірқатар сараптама қорытындысы арқылы дәлелденді.

Сотта прокурор кінәлі азаматты 15 жылға бас бостандығынан айыруды сұрады. Ал сотталушы мен оның адвокаты кісі өліміне қатысы жоқ екенін айтқан.

"Алқабилердің бірауыздан қабылдаған үкімі бойынша ауыл тұрғыны дәрменсіз күйдегі адамды өлтіргені үшін кінәлі деп танылды", – деді соттың баспасөз қызметі.

Сот шешімімен ауыл тұрғыны 15 жылға бас бостандығынан айырылды. Ол жазасын қауіпсіздігі ең жоғары қылмыстық-атқару жүйесі мекемесінде өтейді.

Үкім заңды күшіне енген жоқ.

Пікір қалдыруыңыз үшін сайтқа кіруіңіз қажет