«Жеңіс» ҚБ «Қазақстандағы мүмкіндігі шектеулі жандарға арналған ақпараттық-кеңес беру қызметі» жобасын жүзеге асырады.
Оқыту «Қазақстандағы мүмкіндігі шектеулі жандарға арналған ақпараттық-кеңес беру қызметі» әлеуметтік жобасы аясында өтті, деп хабарлайды ERNUR.KZ Азаматтық бастамаларды қолдау орталығының баспасөз қызметіне сілтеме жасап.
Сонымен қатар, жоба аясында Орал мен Ақтөбеде мүгедектігі бар өңір тұрғындары оффлайн форматта «Аспаз» және «Тігінші» мамандықтарын игерді. Рудный қаласында мүмкіндігі шектеулі жандар үшін дәнекерлеуші, ағаш кесуші, ұста, аспаз, жиһаз жинақтаушы сияқты мамандықтар бойынша курстар өткізілді.
«Қазақстандағы мүмкіндігі шектеулі жандарға арналған ақпараттық-кеңес беру қызметі» жобасы ҚР Ақпарат және қоғамдық даму министрлігінің және Азаматтық бастамаларды қолдау орталығының қолдауымен жүзеге асырылуда. Жоба 2022 жылдың соңына дейін іске асырылатын болады.