8 қараша күні Алматыда Төле би - Абылай хан көшелерінің қиылысында екі автобус соқтығысты.
ERNUR.KZ. Алматыда автобус апатына қатысы бар жүргізуші қамауға алынды, деп жазады ҚазАқпарат.
«Алматы қаласы тергеу сотының қаулысымен 11 қараша күні сотқа дейінгі тергеу органдарының күдікті А-ға қатысты 2 айға күзетпен ұстау түріндегі бұлтартпау шарасын қолдану туралы өтініші санкцияланды. Күзетпен ұстау мерзімі 2023 жылдың 9 қаңтар күніне дейін белгіленеді»,- деді Алматы қалалық сотының ресми өкілі Абай Жарылқасын.
Еске салайық, 8 қараша күні Алматыда Төле би - Абылай хан көшелерінің қиылысында екі автобус соқтығысты.
Алғашында полицейлер бір адам көз жұмып, 15 адам зардап шеккенін мәлімдеген болатын.
Кейін жарақат алғандар саны 17-ге жетті.
Соңғы мәлімет бойынша, медициналық көмекке 21 адам жүгінген, оның 9-ы ауруханаға жатқызылды.
Сондай-ақ «Алматыэлектрокөлік» ЖШС Алматыда соғылған автобустардың тежегіші істен шықты деген ақпараттың шындыққа жанаспайтынын айтты.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
