КАЛЛАНЕТИКА: 10 сағатта 10 жылға ЖАСАРАСЫЗ

0
4 327

Бір жаттығуды 1-2 минут бойы қайталау қажет.


КАЛЛАНЕТИКА: 10 сағатта 10 жылға ЖАСАРАСЫЗ

Фото: ecoinform.ru

Тез орындалатын жаттығулар ғана емес, "баяу" жаттығулар арқылы да денені сымбатты етуге болады. Мысалы, баяу қимылды калланетика жыттығуы сізді 10 жылға жасарта алады.


Калланетика – йога мен стретчингтің қимылдарынан құралған фитнестің түрі Бұл жаттығу түрі денедегі барлық бұлшықетке әсер етеді. Онда ешқандай жүгіру, секіру жоқ. Жаттығу баяу қимылдар арқылы жасалады. Бірақ денсаулық пен дененің сымбаты үшін беретін пайдасы өте мол.


Жаттығу бағдарламасы 29 қозғалыстан тұрады. Бір жаттығу 1-2 минут бойы қайталануы мүмкін.


Калланетиканы кім ойлап тапқан?

Фото: corlupilates.com

Бұл атау балерина Каллан Пинкнейдің құрметіне қойылған. Калланетиканың авторы да өзі. Фитнестегі жаңа бағыт 1984 жылы пайда болды. Дәл сол жылы автордың "Калланетика: 10 сағатта 10 жылға жасар" деген кітабы жарыққа шықты. Каллан өмірінің соңына дейін, яғни 2012 жылға дейін калланетика арқылы дене бітімін өте әдемі етіп күте білген.

Биші ойлап тапқан ғажайып гимнастика әп-сәтте күллі әлемнің әйелдерін қызықтырды. Тіпті, ханшайымдар да осы жаттығумен шұғылданып, екі аптада бірнеше келі салмақтан арылған деседі.


Калланетиканың жағымды жақтары өте көп. Мәселен:

  • Жаттығу жасау үшін ешқандай құралды қажет етпейді
  • Жүрек-қан тамырларына салмақ түсірмейді
  • Гипоксия тудырмайды, қан қысымын түсірмейді
  • Жылдам қимылды талап етпейді
  • Кез келген жастағы адамдарға және физикалық дайындық деңгейіне келе береді
  • Артық салмақтан арылғысы келген адамдарға айналысуға болады.


Ал кемшін тұсы...

  • Дұрыс тамақтанбай, тұрақты жаттықпаса ешқандай нәтиже күтудің қажеті жоқ.
  • Калланетика бұлшықеттердің көлемін үлкейтпейді. Ол тек қатайтып, жақсартады.


1 жаттығу


Аяқ иық деңгейінде, табандар бір-біріне параллель, дененің бар салмағы өкшеге түсіп, тізе сәл бүгілуі керек. Иықты ақырындап жоғары апарып, артқа және сәл төмен түсіреміз. Мойнымызды жоғары созып, күшті жауырынға саламыз. Көкірек қуысы алға қарай жылжуы тиіс. Жамбасты өзімізге қарай бұрып, ішті тартамыз. Тізеден иыққа дейін барлық денемізге күш түсіп тұрғанын сезінуіміз керек. Сол қалыпты жаттығу аяқталғанша сақтау қажет. Қолымызды қапталымызға апарып, алақанымызды жоғары қаратып серіппе секілді жаттығуды орындаймыз. Жаттығуды 1 минут көлемінде орындай отырып, денеге түскен күшті бақылауда ұстаймыз.


2 жаттығу


Бірінші жаттығудағы қалыпты тұрамыз. Бір қолымызды жоғары көтеріп, қарама-қарсы бағытқа баяу еңкейеміз. Жамбастың орнынан қозғалмауын бақылаймыз. Барынша төмен еңкейгеннен кейін тоқтап, денені түзу қалыпқа келтіреміз. Жаттығуды 1 минут бойы қайталай отырып, бұлшықеттердің созылуын, күш түсуін қадағалаймыз.


3 жаттығу


Қабырғаға бетімізбен қарап тұрамыз. Аяқтың ұшымен тұрып, аяқ ұштарын бір-бірінен алшақ ұстаймыз. Ал өкшелер бір-біріне тиіп тұруы да мүмкін. Тізені сәл бүгеміз. Ал саусақтарымыздың ұшымен қабырғадан ұстауға тырысамыз. Барлық салмақ аяқтың ұшына түседі. Бел түзу болу үшін жамбасты сәл айналдырамыз. Тіземізді екі жаққа жіберіп, еңкеюді бастаймыз. Төмен қарай қозғалғанда үш рет аялдаймыз. Тоқтаған кезде жамбасты мүмкіндігінше алға қарай бұрып, бөксе бұлшықеттерін тартамыз. Жамбасты бастапқы түзу қалпына келу керек. Үш рет аялдап, жамбас бөлігін жоғары және төмен қарай айналдырамыз.


4 жаттығу


3-жаттығудағы қалпымыз бойынша отырып-тұру (приседание) қимылын жасаймыз. Ақырындап төмен қарай түсіп, жоғары қарай көтерілеміз. 2-3 рет қайталау жеткілікті.


5-жаттығу


Кілемшеге жатып тізені бүгеміз. Дененің тірек мүшелері - бел мен өкше. Басымызды, иығымызды және қолымызды жоғары көтереміз. Иығымызды түсірмей мойнымызды босаңсытуға тырысамыз. Төбеге қараймыз. Бір алақанымызды басымыздың астына қою арқылы мойынды босаңсытуға болады. Содан кейін серіппелі қимылмен іш бұлшықеттеріне күш сала отырып, қолды алға қарай созамыз. Бірақ иықты төмен түсірмейміз. Жаттығуды 1 минут бойы жасау керек.

Дереккөз: m.sports.ru

Н.НАЛТАЙ,

ERNUR.KZ


Тағы оқыңыз:


МУЗЫКАМЕН жаттыққандар ТЕЗ АРЫҚТАЙДЫ


БҰЛ жаттығу ҚАНТ ДИАБЕТІнің алдын алады